پاکستان

” آج وزیر اعظم عمران خان نے مجھے قتل کروانے کی کوشش کی “ معروف صحافی نصرت جاوید نے سنگین ترین الزام لگادیا

اسلام آباد: سینئر صحافی و تجزیہ کار نصرت جاوید نے الزام عائد کیا ہے کہ انہیں وزیر اعظم عمران خان نے قتل کروانے کی کوشش کی ہے۔ خیال رہے کہ سینئر صحافی نصرت جاوید کا تعلق لاہور سے ہے لیکن وہ بھی بیشتر صحافیوں کی طرح اسلام آباد میں مقیم ہیں ۔ وفاقی دارالحکومت کو یہ اعزاز بھی حاصل ہے کہ یہ صحافیوں کیلئے غیر محفوظ ترین علاقہ سمجھا جاتا ہے ۔

رات گئے نصرت جاوید نے ٹوئٹر پر اپنے پیغام میں کہا ’اس وقت ایک بج کر 16 منٹ ہورہے ہیں اور وزیر اعظم پاکستان نے مجھے قتل کرنے کی کوشش کی ہے لیکن میں ابھی بھی زندہ ہوں‘۔

ایک اور تاکیدی ٹویٹ میں نصرت جاوید نے کہا کہ ’ وزیر اعظم پاکستان عمران خان نے ابھی ابھی مجھے قتل کرنے کی کوشش کی ہے لیکن میں ابھی بھی زندہ ہوں‘۔

سینئر صحافی رضا رومی نے نصرت جاوید پر قاتلانہ حملے کی کوشش پر تشویش کا اظہار کیا تو نصرت جاوید نے کہا کہ ’ بھائی یہ بہت ہی شدید قسم کا قاتلانہ حملہ تھا اور اس پر ٹرولز کا رد عمل دیکھ لیں ، میں صرف انہیں اس لیے ری ٹویٹ کر رہا ہوں تاکہ ریکارڈ پر آسکیں، صرف اسی ایک طریقے سے بتایا جاسکتا ہے کہ مجھ پر ہونے والا حملہ کتنا شدید تھا‘۔

سراج نامی ایک صارف نے نصرت جاوید سے سوال پوچھا کہ کہیں قتل سے مراد معاشی قتل تو نہیں ۔ نصرت جاوید نے اس ٹویٹ کے جواب میں وضاحت کرتے ہوئے لکھا ’ مجھے اس طریقے سے قتل کرنے کی کوشش کی گئی ہے کہ یوں لگے جیسے شراب پی کر گاڑی چلاتے ہوئے حادثہ ہوا ہو، میں پی ٹی آئی کے ٹرولز کا شکر گزار ہوں جنہوں نے میرے شک کو تقویت دی ہے‘۔

نصرت جاوید نے ایک اور ٹویٹ کا جواب دیتے ہوئے وضاحت کی کہ انہوں نے موت کو صرف 3 سے 5 منٹ کی دوری پر چکمہ دیا اور وہ جانتے ہیں کہ یہ سب کس نے کیا۔

Show More

متعلقہ خبریں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Close
Close