پاکستان

عمران خان کو بڑا جٹھکا، تحریک انصاف کے اہم ترین وزیر نے استعفیٰ دے دیا

اسلام آباد : آئی جی تبادلہ کیس میں ملوث وفاقی وزیر اعظم سواتی نے وزیر اعظم عمران خان کو اپنا استعفیٰ پیش کردیا۔

نجی ٹی وی اے آروائی نیوز نے دعویٰ کیا ہے کہ آئی جی تبادلہ کیس کے باعث اعظم سواتی نے اپنا استعفیٰ وزیر اعظم کو پیش کردیا۔ اس سے قبل وزیر اعظم عمران خان نے کہا تھا کہ اگر اعظم سواتی قصور وار ہوئے تو خود ہی مستعفی ہوجائیں گے۔ سپریم کورٹ میں آئی جی تبادلہ کیس کی بدھ کو ہونے والی سماعت کے دوران چیف جسٹس نے اعظم سواتی پر آرٹیکل 62 ون ایف کا اطلاق کرنے کا عندیہ دیا تھا۔

خیال رہے کہ گزشتہ دنوں سینیٹر اعظم سواتی کے فارم میں مبینہ طور پر پڑوسیوں کی ایک گائے گھس گئی تھی جس پر نہ صرف اس غریب خاندان کو تشدد کا نشانہ بنایا گیا بلکہ ان کی خواتین تک کو جیل میں ڈال دیا گیا تھا۔ اعظم سواتی کا حکم نہ ماننے پر آئی جی اسلام آباد کو بھی تبدیل کردیا گیا تھا جس کے بعد چیف جسٹس نے معاملے کا از خود نوٹس لیا تھا۔ چیف جسٹس کی جانب سے قائم کی جانے والی جے آئی ٹی نے معاملے کی تحقیقات کے بعد اعظم سواتی کو واقعے میں قصور وار قرار دیا تھا۔

Show More

متعلقہ خبریں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Close
Close