پاکستان

ایم کیو ایم کے مرکزی رہنما فاروق ستار کا بڑا بیان

کراچی: ایم کیو ایم کے رہنما فاروق ستار نے دبنگ کانفرنس کردی-

کراچی پریس کلب میں پریس کانفرنس کرتے ہوئے ڈاکٹر فاروق ستار نے کہا کہ 13 ستمبر کو رابطہ کمیٹی سے استعفیٰ دیا اور ذاتی وجوہات بتائیں لیکن آج اصل وجوہات بتارہا ہوں۔

فاروق ستار کا کہنا تھاکہ 25 جولائی کے انتخابات میں ایم کیوایم پاکستان کراچی میں 17 نشستوں سے 4 پر پہنچا دی گئی، آئندہ آزمائش بلدیاتی انتخابات ہیں، اگر تنظیم کو تقسیم اور تباہی سے بچانا ہے، اس کا کھویا وقار واپس لانا ہے تو پانچ فروری کی لائن اگر تقسیم کی تھی تو وہی دوبارہ متحد ہونے کی ہوگی۔

انہوں نے کہا کہ اس وقت ایم کیوایم جس صورتحال سے دوچار ہے اس کے لیے ضروری ہےکہ رابطہ کمیٹی فی الفور تمام کارکنان اور ذمہ داران کو عزت کے ساتھ 5 فروری کی پوزیشن پر بحال کرے۔

فاروق ستار کا کہنا تھاکہ پتا ہےکہ میری پریس کانفرنس کا بہادر آباد سے جواب آئے گا لیکن کوشش کروں گا اس کا جواب پہلے ہی دے دوں، حادثاتی طور پر 23 اگست کو لندن سے میں نے قیادت لے لی، میں نے پارٹی کو بچایا، ہر کارکن ووٹر اس تاریخی حقیقت کو جانتا اور مانتا ہے، اس بنا پر دل سے میری عزت کرتا ہے۔

ایم کیو ایم رہنما نے کہا کہ پارٹی تباہی کی طرف چل پڑی ہے، مکمل تباہی سے بچانے کے لیے جتنی جلدی ممکن ہو پارٹی میں انٹرا پارٹی الیکشن کا انقعاد کرایا جائے، موجودہ بدنظمی اور افراتفری کی صورتحال سے نکلنے کے لیے کارکنان سے فریش مینڈیٹ لیا جائے۔

انہوں نے مزید کہا خالد مقبول صدیقی نے کارکنان سے مینڈیٹ نہیں لیا اور حادثاتی طورپر مجھ سے سربراہی لے لی لہٰذا تنظیم کی موجودہ صورتحال اس بات کا تقاضہ کرتی ہے جلد از جلد انٹرا پارٹی الیکشن کرایا جائے۔

Show More

متعلقہ خبریں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Close
Close